Síguenos
EL CONCEYU VILLAVICIOSA CONVOCA’L X PREMIU DE RELATOS CURTIOS ‘XOSÉ CAVEDA Y NAVA’
El conceyu Villaviciosa ta acabante convocar la décima edición del so Premiu de Relatos Curtios ‘Xosé Caveda y Nava’. El certame, que fai homenaxe al eruditu maliayu artífice de la Colección de poesías selectas en dialecto asturiano, primer llibru editáu en llingua asturiana, cumple yá una década d’andadura con un palmarés enllenu d’autores de reconocíu prestixu nes lletres asturianes, como ye’l casu de Francisco Álvarez, Pablo Rodríguez Medina, Beatriz Redondo Viado o Gonzalo G. Barreñada.
Cada participante va poder presentar una obra orixinal y inédita, escrita n’asturianu, d’ente 3 y 12 folios a una cara en Times New Roman 12 puntos y con interlliniáu de 1.5, d’acordies colos requisitos qu’establecen les bases. El plazu de presentación d’orixinales remata’l llunes 5 d’ochobre de 2026 y la participación pue facese efectiva presencialmente nel Rexistru del Conceyu de Villaviciosa; per corréu postal, empobináu a Casa Conceyu de Villaviciosa (Ref. X Premiu de relatos curtios “Xosé Caveda y Nava” Plaza del Ayuntamientu, 1, 33300 Villaviciosa-Asturies),incluyendo nel sobre’l boletín de participación disponible en www.culturavillaviciosa.es y trés copies del relatu; o bien pela vía telemática dende’l procedimientu ‘subvenciones’ nel catálogu de servicios de la Sede Electrónica del Conceyu de Villaviciosa.
El premiu cunta, como n’ediciones anteriores, con una dotación económica de 1000 euros y Mazana de Plata conmemorativa. Pa más información sobre cómo participar nel X Premiu de Relatos Curtios Xosé Caveda y Nava, les bases completes pueden consultase equí.
---------------------------------------------------------
EL AYUNTAMIENTO DE VILLAVICIOSA CONVOCA EL X PREMIU DE RELATOS CURTIOS XOSÉ CAVEDA Y NAVA.
El ayuntamiento de Villaviciosa convoca la décima edición de su Premiu de Relatos Curtios ‘Xosé Caveda y Nava’. El certamen, que homenajea al erudito maliayo artífice de la Colección de poesías selectas en dialecto asturiano, primer libro editado en asturianu, cumple ya una década de andadura con un palmarés lleno de autores de prestigio reconocido en la letras asturianas, como Francisco Álvarez, Pablo Rodríguez Medina, Beatriz Redondo Viado o Gonzalo G. Barreñada.
Cada participante puede presentar una obra original e inédita, escrita en asturiano, de entre 3 y 12 folios a una cara en Times New Roman 12 puntos, con interlineado de 1.5, de acuerdo con los requisitos que establecen las bases. El plazo de presentación de originales remata el lunes 5 de octubre de 2026 y la participación puede hacerse efectiva presencialmente en el Registro del Ayuntamiento de Villaviciosa; por correo postal, dirigido a Casa Conceyu de Villaviciosa (Ref. X Premio de Relatos Curtios ‘Xosé Caveda y Nava’), Plaza del Ayuntamiento, 1, 33300 Villaviciosa-Asturies), incluyendo en el boletín de participación disponible en www.culturavillaviciosa.es en sobre tres copias del relato; o bien por vía telemática desde el procedimiento ‘subvenciones’ en el catálogo de servicios de la Sede Electrónica del Ayuntamiento de Villaviciosa.
El premio cuenta, como en ediciones anteriores, con una dotación económica de 1000 euros y manzana de plata conmemorativa. Para más información sobre cómo participar en el X Premiu de Relatos Curtios Xosé Caveda y Nava, las bases completas pueden consultarse aquí.
BASES
A) Convocatoria
Convocatoria del X PREMIU DE RELATOS XOSÉ CAVEDA Y NAVA, acordies coles Bases Xenerales reguladores de subvenciones, aprobaes por alcuerdu plenariu del Conceyu de Villaviciosa, con fecha de 31 xunetu 2025.
B) Creitu presupuestariu y cuantía
El premiu impútase a la partida 334-489.18
Cuantía del premiu: 1.000 euros, que tarán sometíos a les retenciones fiscales afitaes pola Llei
Entregaráse una Mazana de Plata conmemorativa como troféu al ganador.
C) Oxetu, condiciones y finalidá
El Premiu de Relatos Curtios Xosé Caveda y Nava, de frecuencia añal, tien como fin fomentar la creación lliteraria en llingua asturiana y el so espardimientu, ufriendo oportunidaes a los escritores pal conocimientu públicu de la so obra.
Cada participante va poder presentar una obra, escrita en llingua asturiana. El tema va ser llibre.
Los trabayos han presentase en formatu papel, por triplicáu en sobre zarráu, ensin identificación de l’autoría y col títulu.
El llargor del trabayu nun va poder ser inferior a 3 folios nin superior a 12, escritos per una cara namás, con un espaciu interllinial de 1,5, con tipu de lletra Times New Roman 12 puntos.
La omisión o incumplimientu de los requisitos indicaos va dar llugar a la descalificación del autor/a.
El ganador del concursu comprométese a asistir a la ceremonia d’entrega’l premiu, quitando por causa de fuerza mayor convenientemente xustificada, casu nel que va poder delegar la so representación.
El Conceyu de Villaviciosa (Asturies) acuta’l derechu de facer modificaciones y entamar iniciatives non regulaes nesta convocatoria, siempre que contribuyan al meyor desenvolvimientu del concursu.
D) Réxime de concesión del premiu
El procedimientu de concesión efectuaráse en réxime de concurrencia competitiva, per aciu de convocatoria y procedimientu únicos, nel qu’han incluyise toes aquelles peticiones qu’axunten los requisitos esixíos y, d’alcuerdu colos criterios de publicidá, oxetividá, tresparencia, igualdá y non discriminación, acordies colo previsto na Llei 38/2003, de 17 de payares, Xeneral de Subvenciones.
La instrucción del procedimientu realizaráse acordies colo afitao nes Bases Xenerales reguladores del réxime de concesión de subvenciones del Conceyu de Villaviciosa.
E) Requisitos de solicitú y acreitación
Va poder participar cualquier autor con independencia de la so residencia o nacionalidá, mayor de 18 años na fecha del pieslle’l plazu d’unviu de los relatos, dando por implícita la plena conformidá colo prescrito nes presentes bases. Nun van poder presentase a esta convocatoria los ganadores de les dos ediciones anteriores.
La obra ha ser orixinal y inédita, incluyíos medios electrónicos, y non premiada en nengún otru concursu. Nun se van almitir relatos producidos por intelixencia artificial xenerativa. L’autor ganador va tener qu’acreitar esta condición per aciu de declaración xurada.
Los relatos son propiedá de los/es autores. Sicasí, pol fechu de participar nesti concursu, el Conceyu de Villaviciosa acuta’l derechu de publicación del relatu premiáu, y d’una escoyeta de relatos participantes determinada pol xuráu, ensin llende temporal y ensin suponer por ello contraprestación económica, o d’otru tipu, a los/es autores, cola única obligación de citar l’autoría.
F) Autorización
La persona solicitante va poder autorizar al órganu xestor pa qu’esti pueda solicitar el certificáu o documentu acreitativu de tar al corriente de les sos obligaciones tributaries y pa cola Seguridá Social. Esta autorización inclúise nel impresu de solicitú de subvención.-
G) Órganos competentes pa la instrucción y resolución del procedimientu
Ye competente pa la resolución del procedimientu de concesión de les subvenciones la Xunta de Gobiernu Local, por delegación de l’Alcaldía (Resolución de l’Alcaldía númberu 1247, de fecha 05 de xunetu de 2023, espublizada nel BOPA númberu 143 de 26 de xunetu de 2023).
Correspuende la instrucción, ordenación, tramitación y impulsu del procedimientu de concesión de les subvenciones al serviciu mancomunau de cultura y mocedá. Como órganu encargáu d’instruyir l’espediente, va revisar los espedientes de solicitú y verificar que contién la documentación que se requier, acordies colo afitao nes Bases Xenerales reguladores del réxime de concesión de subvenciones del Conceyu de Villaviciosa.
H) Comisión de valoración
Las obres presentaes van valorase por un Xuráu designáu pol Ilmu. Conceyu de Villaviciosa. Formaránlu persones de prestixu reconocíu nel ámbitu cultural y lliterariu.
I) Forma y plazu de presentación de solicitúes
El procedimientu entamaráse per aciu de la presentación de solicitú (que pue descargase dende’l apartáu “Subvenciones” del Tablón d’anuncies de la Sede Electrónica del Conceyu de Villaviciosa), nes oficines del rexistru de la casa conceyu, asina como nos demás sitios previstos nel artículu 16.4 de la Llei 39/2015, convenientemente roblada, incluyendo:
· Declaración de nun incurrir en nengún de los supuestos afitaos pol artículu 13.2 de la Llei 38/2003, de 17 de payares, Xeneral de Subvenciones, p’algamar la condición de beneficiariu de subvenciones.
· Declaración responsable del interesáu, acordies colo qu’afita l’artículu 24.7 del Real Decretu 887/2006, de 21 de xunetu, que ratifique positivamente que’l solicitante ta al día nes sos obligaciones tributaries col Estáu y col Conceyu de Villaviciosa (tamién los tributos que tienen delegada la recaldación al Principáu d’Asturies), asina como cola Seguridá social.
El plazu de presentación va ser hasta’l 05 d’ochobre de 2026. Nun van almitise les solicitúes presentaes fuera de plazu.
Les solicitúes tamién van poder presentase per vía telemática (dende’l procedimientu subvenciones -ver catálogu de servicios- de la Sede Electrónica d’esti Conceyu).-
J) Documentación qu’acompaña la solicitú
A la solicitú a la que se fizo referencia nel apartáu anterior, ha tener qu’acompañala:
. Anexu I denomináu Boletín de Participación (que se pue descargar dende l’apartáu “Subvenciones” del Tablón d’anuncies de la Sede Electrónica del Conceyu de Villaviciosa.
. Relatu col qu’opta al concursu —nos términos del apartáu C) oxetu, condiciones y finalidá—. Nel casu de presentación telemática’l relatu axuntaráse n’archivu PDF y dende la tramitación del espediente preservaráse en tou momentu l’anonimatu de la obra.-
. Copia del documentu d’identidá
. Currículu breve del autor/a (opcional)
Ensin perxuiciu de la documentación presentada, l’Ayuntamientu va poder solicitar l’ampliación de los datos qu’estime oportunos.
La comprobación de la existencia de datos non axustaos a la realidá, tanto na solicitú como na documentación aportada, va poder suponer, en función de la so importancia, la denegación del premiu.
Si se notare la falta de dalgún de los documentos indicaos nesti artículu o s’obvervaren deficiencies nel so conteníu o fuere necesaria dalguna aclaración sobre’l mesmu, requeriráse al solicitante pa que, nun plazu de diez díes, subsane les deficiencies observaes y/o aporte la documentación o información adicional que s’estime necesaria pa un evaluación afayadiza y resolución de la petición, con indicación de que, si nin lo ficiera asina, va considerase que desiste de la so solicitú y va procedese al archivu de la mesma ensin más trámite, acordies colo afitao nel artículu 68 de la Llei 39/2015, de 1 d’ochobre, del Procedimientu Alministrativu Común de les Alministraciones Públiques.
K) Plazos de resolución, publicación y notificación
El plazu máximu pa resolver y espublizar la resolución del procedimientu de concesión del premiu nun va poder pasar de los seis meses, acordies colo que dispón l’artículu 25 de la Llei 38/2003 de 17 de payares, Xeneral de Subvenciones.
El técnicu/a responsable del área de cultura, en viendo l’espediente y l’Informe del Xuráu, va proponer la concesión del premiu a la Xunta de Gobiernu del Ayuntamientu, que, previa fiscalización, va resolver la concesión del premiu.
La resolución o alcuerdu de concesión va ser notificada, comunicada y espublizada, según contemplen les Bases Xenerales reguladores del réxime de concesión de subvenciones del Conceyu de Villaviciosa.
L) Criterios de valoración y fallu del concursu
Son criterios de valoración la orixinalidá, creatividá y calidá lliteraria.
El xuráu, siguiendo estos criterios, va realizar una valoración de toles obres presentaes.
El fallu va ser inapellable y motiváu, siguiendo los citaos criterios d’orixinalidá, creatividá y calidá artística. El certame va poder ser declaráu ermu, si asina lo estimare’l xuráu, que tará compuestu por persones que se darán a conocer nesi momentu.
M) Resolución y recursos
La resolución o alcuerdu definitivu agota la vía alministrativa, acordies col artículu 52 de la Llei 7/1985, de 2 d’abril, Reguladora de les Bases del Réxime Local.
Escontra la mesma podrán interponese los recursos siguientes:
1. Recursu potestativu de reposición ante l’Alcaldía, nel plazu d’un mes, cuntáu dende’l día depués al de la recepción d’esta notificación (artículu 123 de la Llei 39/2015, de 1 d’ochobre, de Procedimientu Alministrativu Común de les Alministraciones Públiques). Va entendese como desestimáu pol trescursu del plazu d’un mes dende la so interposición ensin que se-y tuviere notificao resolución espresa.
2. Si nun s’estimare oportuna la interposición del recursu potestativu de reposición, va poder interponese directamente recursu contencioso-alministrativu ante’l Xulgáu de lo Contencioso-Alministrativo de Xixón, nel plazu de dos meses, contaos de la mesma forma mentada nel párrafu anterior, acordies cola Llei 29/1998, de 13 de xunetu, Reguladora de la Xurisdicción Contencioso-Alministrativa.-
Si’l recursu de reposición s’entendiere desestimáu por silenciu alministrativu y faltando una resolución espresa, el plazu pa interponer el recursu contencioso-alministrativu va ser de seis meses contaos dende la fecha na que s’entendiere desestimáu.
Coles mesmes, va poder interponese cualesquier otru recursu que seya de derechu y se considere conveniente exercitar.
N) Conteníu de la resolución
La Resolución de la concesión va indicar el nome del premiáu y el gastu que correspuende.
O) Importe de cofinanciación mínima de los beneficiarios
Nun procede
P) Pagos
El premiu va abonase d’una vez per aciu de tresferencia bancaria a la cuenta corriente que se facilite. Va tar sometíu a les retenciones fiscales afitaes pola Llei.
Q) Réxime de garantíes
Acordies col art. 16 de les Bases xenerales reguladores del réxime de concesión de subvenciones nun va esixise la presentación de garantíes pa esta convocatoria.
R) Incompatibilidá de la subvención
Nun esiste incompatibilidá
S) Forma y plazu de xustificación
Considerase xustificáu el pagu’l premiu cola entrega del relatu.
T) Obligación de publicidá y comunicación de la subvención recibida
Les semeyes y videos que se faigan na ceremonia d’entrega van poder publicase y espardese en tolos medios de comunicación, información y difusión del Conceyu de Villaviciosa (Asturies).
Las persones o entidaes beneficiaries de subvención autoricen al Conceyu de Villaviciosa, d’una vez, y de baldre, a la comunicación pública de la actividá.
