Síguenos
Esti miércoles 9 de payares, a les 19:00 hores, na biblioteca del conceyu de Villaviciosa, na casona de los Hevia, el cómic 'Paez que nun foi ayeri', obra ganadora del XIII Premiu Alfonso Iglesias de Cómic en Llingua Asturiana del Principáu.
L’actu ta incluyíu dientro del ciclu ‘Autores del camín’, dedicáu a promocionar les obres premiaes nos concursos de lliteratura n’asturianu convocaos pola Conseyería de cultura, política llingüística y turismu.
L'ilustrador Ángel de la Calle nació en Molinillo de la Sierra (Salamanca), pero vive dende neñu en Xixón. De la Calle, que combina la so actividá profesional cola organización de la Selmana Negra de Xixón, collaboró con publicaciones como Zona 84, El Víbora, Comix Internacional, Rambla o Heavy Metal.
Ye autor de les noveles gráfiques 'Modotti. Una mujer del siglo veinte', y 'Pinturas de guerra', cola que llogró nel 2018 el premiu a la Meyor Obra d'Autor Español nel Salón del Cómic de Barcelona. Les sos obres foron publicaes en diversos países y traducíes a dellos idiomes.
